УИХ-ын гишүүн ба ажлын албаны AI туслах
Хуралдааны танилцуулга өглөө бэлэн болж, мэдээ, имэйл нэг дэлгэцэд цуглаж, уулзагчийн судалгаа автоматаар бэлтгэгдэнэ. Та болон ажлын алба бэлтгэлд зарцуулдаг цагаа шийдвэрт зориулна.
Цэсэнд бэлэн ажлууд
Нэвтэрсний дараа цэсэнд дараах долоон ажил харагдана. Бүгд ажиллаж байгаа.
Parliament.mn-ээс чуулган, хорооны хуралдааныг татаж, Google Calendar-тай нэгтгэнэ. Өглөө бүр өдрийн тойм бэлэн болж, хуваарь өөрчлөгдвөл мэдэгдэнэ.
27 мэдээний сайтын сүүлийн 30 хоногийн гарчгийг Таны түлхүүр үгээр шүүж үзүүлнэ. X дээрх сэдвүүдийн тойм өглөө бүр 07:30-д шинэчлэгдэнэ.
Уулзагч, харилцагчийн бүртгэл нэг дор. Нэр, байгууллага, албан тушаалаар хайна, уулзалт бүртгэхэд уулзагчийн товч судалгаа хамт бэлтгэгдэнэ.
Хэлэлцэх асуудал бүрд товч агуулга, анхаарах зүйл, эрсдэлийн үнэлгээ бүхий танилцуулга хуралдааны өмнө бэлэн болно. Уулзагчийн талаар нээлттэй эх сурвалжийн тайлан мөн энд.
Албан имэйл хайрцаг автоматаар татагдаж, захидал бүр товчлолтойгоор нэг дэлгэцэд уншигдана.
Ажлын албаны сарын төсөв, зарлагыг ангиллаар хөтөлнө. Баримтын зургийг уншуулж бүртгэнэ, чатаар ч бүртгэж болно.
Даалгаврыг чатаар эсвэл самбараас үүсгэж, үе шат, хариуцагч, хугацаагаар хөтөлнө. Хугацаа дөхөхөд сануулна.
Чатаар гүйцэтгэх бусад ажил
Цэсэнд тусдаа хуудасгүй ажлуудыг чатад бичвэрээр, дуут командаар хүсэлт өгч эсвэл файл хавсаргаж гүйцэтгүүлнэ.
Хууль, албан бичгийн товчлол
Чатад PDF, DOCX, зураг хавсаргахад 1 хуудас товчлол, гол заалтууд, анхаарах зүйлс. Том хуулийн төсөлд бүлэг тус бүрийн задаргаа, өөрчлөгдөж буй заалтын харьцуулалт.
Бүх багцАлбан хэрэг хөтлөлт
Албан бичиг, албан тоот, гэрээний төсөл, албан хүсэлт, мэдэгдэл, дагалдах бичиг – Албан хэрэг хөтлөлтийн нийтлэг журам, MNS 5140 бүрдлийн дагуу Word-д нээгддэг ноорог үүсгэж, хувилбарын түүхтэйгээр бүртгэнэ.
Бүх багцАудио хөрвүүлэлт
Хурал, уулзалтын аудио бичлэгийг оруулахад цагийн тэмдэгтэй, яригчаар ялгасан текст болгоно. Текстийг архивт хадгалж, товчлол, албан бичигт ашиглана.
ТэргүүнСошиал медиа хөтлөлт
Өдрийн хуралдааны агуулга, уулзалтын тойм, дурын сэдвээс Facebook, X, Instagram, YouTube-д зориулсан постын ноорог боловсруулна. Чатад агуулгаа хуулж оруулахад платформ тус бүрийн найруулгаар, шууд нийтлэхэд бэлэн текст ирнэ.
ТэргүүнХуулийн төслийн хяналт
Хуулийн төслийн үе шат бүрийн явц, нээлттэй хүлээлт, шийдвэрлэх асуудлыг нэг дэлгэцэд хөтөлнө. Хуульч агент legalinfo.mn-ээс холбогдох заалтыг хайж, хүчинтэй эсэхийг шалгана.
Иж бүрэн+Нэмэлт агент захиалга
Таны салбарын мэргэшсэн зөвлөх (эрчим хүч, уул уурхай, боловсрол г.м.), тойргийн мэдээллийн агент – захиалгаар.
ТэргүүнГишүүний өдөр тутмын ачаалал
УИХ-ын гишүүн долоо хоног бүр чуулган, хорооны хуралдаанд бэлтгэж, хуулийн төсөл, албан бичиг судалж, уулзалтын хүсэлт зохицуулна. Энэ бэлтгэлийн ихэнхийг AI Туслах өглөө бүр урьдчилан гүйцэтгэж, гишүүн болон ажлын албанд шийдвэрт зарцуулах цаг үлдээнэ.
Гар утас, вэб орчин
Үндсэн ажиллагаа гар утасны програм болон вэб хуудсанд явагдана. Чатад бичвэрээр, дуут командаар хүсэлт өгч, файл хавсаргана.
Албан эх сурвалж
Монголын хууль тогтоомжийн орчинд тохируулсан. Parliament.mn, legalinfo.mn-тэй холбогдож, хариулт бүрд эх сурвалжийн ишлэл дагалдана.
Архивлалт
Товчлол, уулзалт, албан бичиг бүр Таны хувийн архивт хадгалагдаж, хэрэгтэй үед олдоно.
Нэвтрүүлэх гурван алхам
Гэрээ байгуулснаас хойш 15 минутын дотор нэвтэрнэ.
Бүртгэл
Гишүүний бүртгэл үүсч, гар утасны програм болон вэб хуудсанд нэвтрэх эрх нээгдэнэ. Ажлын албаны 8 хүртэлх ажилтан өөрийн эрхээр нэвтэрнэ.
Хүсэлт илгээх
Хүсэлтээ чатад бичвэрээр эсвэл дуут командаар илгээнэ, PDF, зураг хавсаргана.
Гүйцэтгэл
Өглөө бүр өдрийн тойм, хуралдаан бүрийн AI танилцуулга бэлэн болно. Хуваарь өөрчлөгдвөл мэдэгдэнэ.
Мэргэшсэн агентууд
Суурь туслах
Хуваарь, уулзалт, товчлол, ерөнхий асуулт
Бүх багцХуульч
Хуулийн зөрчил шинжилгээ, эрх зүйн лавлагаа, legalinfo.mn-ийн хуулийн сан
Иж бүрэн+Эдийн засагч
Төсөв, макро тоо баримт, эдийн засгийн үр нөлөөний шинжилгээ
Иж бүрэн+PR зөвлөх
Олон нийтийн эрсдэл, мессеж боловсруулалт, сошиал стратеги
Иж бүрэн+Салбарын зөвлөх
Захиалгаар: Таны харьяа хороо, салбарт мэргэшүүлсэн
ТэргүүнХэрэгжсэн модулиуд
- Parliament.mn интеграци – хуралдааны хуваарь автоматаар татагдаж, Google Calendar-тай нэгтгэгддэг
- Хуралдааны AI танилцуулга – хэлэлцэх асуудал бүрд эрсдэлийн үнэлгээтэй танилцуулга хуралдааны өмнө автоматаар бэлтгэгддэг
- Мэдлэгийн сан – УИХ-ын гишүүд, хороодын мэдээллийг утга агуулгаар хайдаг систем ажиллаж байгаа
- legalinfo.mn интеграци – Хуульч агент хуулийн заалтыг зүйл тус бүрээр хайж, хүчинтэй эсэхийг шууд шалгадаг
- Аудио хөрвүүлэлт – хурал, уулзалтын бичлэгийг цагийн тэмдэгтэй, яригчаар ялгасан текст болгодог модуль ажиллаж байгаа
- Уулзагчийн урьдчилсан судалгаа – уулзалт бүртгэхэд уулзагчийн талаар нээлттэй эх сурвалжийн товч тайлан автоматаар бэлтгэгддэг
Үнэ, төлбөрийн нөхцөл
Сарын төлбөр нь ажлын албаны нэг ажилтны цалингийн багахан хувийг эзэлнэ. Жилийн урьдчилгаа төлбөрт 2 сарын хөнгөлөлт үзүүлнэ.
Багц, үнийн дэлгэрэнгүй →Түгээмэл асуулт
Утсаа солиход мэдээлэл минь үлдэх үү?
Үлдэнэ. Бүх зүйл Таны хувийн архивт хадгалагддаг бөгөөд веб самбараасаа хэзээ ч харж болно.
Туслах ажилтныг минь орлох уу?
Үгүй. AI Туслах Таныг болон Танай ажилтнуудыг бэлтгэл ажлаас чөлөөлж, чадавхжуулна. Ажлын албаны 8 хүртэлх ажилтан өөрийн эрхээр нэвтэрч Таны ажлын орчинд бичиг бэлдэнэ, Та утаснаасаа батална.
Миний асуултын хариулт алдаатай байвал?
Хариулт бүрд эх сурвалжийн ишлэл дагалдана, эх баримтыг нягтлахыг үргэлж сануулна. Өндөр эрсдэлийн дүгнэлтийг хүн шалгаж байж илгээдэг.
Аль орчноор ажиллах вэ?
Үндсэн ажиллагаа гар утасны програм (iOS, Android) болон вэб хуудсанд явагдана. Мессенжер сувгаар холбогдох шаардлагыг гэрээ байгуулах үед тохиролцоно.
Төрийн нууцад хамаарах баримт илгээж болох уу?
Болохгүй. Төрийн болон албаны нууцад хамаарах баримтыг системд оруулахгүй байх сануулга, ангиллын шүүлттэй.
Гэрээ, төлбөр хэрхэн явагддаг вэ?
Ажлын албаны нэрээр нэхэмжлэхээр эсвэл QPay-ээр сар бүр төлнө. Жилээр урьдчилж төлбөл 2 сар үнэгүй.
Туршиж үзэж болох уу?
Тийм. 30 минутын демогийн дараа 2 долоо хоногийн үнэгүй туршилт өгнө, дараа нь гэрээ байгуулна.
"Төлөвлөгдсөн" статустай үйлчилгээ хэзээ нэвтрэх вэ?
Хөгжүүлэлтийн ээлжийн дагуу үе шаттайгаар нэвтэрнэ. Идэвхтэй хэрэглэгчдэд шинэ үйлчилгээ бэлэн болмогц эхэлж мэдэгдэнэ.
Гэрээгээ цуцалбал миний мэдээлэл яах вэ?
Гэрээ цуцлах үеийн мэдээллийн зохицуулалтыг гэрээнд тусгана.
Хэдэн хүн хэрэглэж болох вэ?
Нэг албанд гишүүн өөрөө болон 8 хүртэлх ажилтан нэвтэрнэ, тоо нь бүх багцад ижил. Ажилтны бүртгэлийг гэрээ байгуулах үед хийж, нэвтрэх кодыг нь бид гардуулна.
Ажилтан бүр ямар эрхтэй вэ?
Ажилтан бүр зөвлөх, төлөөлөгч, туслах, гадны зөвлөх гэсэн үүргийн аль нэгийг авч, тухайн үүргийн үндсэн эрхээр ажиллана. Санхүү, албаны бүх даалгавар харах зэрэг эрхийг гишүүн хүн тус бүрд нэмж, хасна.
Миний AI чатыг ажилтнууд харах уу?
Гишүүний AI чатыг гишүүн өөрөө болон эрх бүхий зөвлөх унших эрхтэй. Бусад ажилтан гишүүний зөвшөөрөлгүйгээр харахгүй, зөвлөхийн энэ эрхийг гишүүн хааж болно. Ажилтны AI чатыг гишүүн болон “Ажилтнуудын AI чатыг унших” эрхтэй ажилтан уншина, ажилтан чатын хуудсандаа энэ тухай сануулгыг байнга харна.
Танилцуулга үзэх хүсэлт
30 минутын танилцуулгыг Таны ажлын өрөөнд явуулна. Өмнөх өдрийн хуралдааны товчлолыг урьдчилан бэлтгэж ирнэ.